Karolo ya setšhaba thekgong ya tša maphelo
Maphelo a rena gantši ga se a ikema ka seo se diregago kliniking goba tshepidišong ya malapa a rena goba maphelo a rena. Re lwatša ke seo se diregago lefaseng ka bophara.
Mohlala:
ge o dula kgauswi le lefelo leo mmaene o tšhollelago ditšhila go lona go tšhollwago ditšhila gomme marole a tšona ditšhila tšeo a kgona go go tsena ka maswafong, o sena mo o ka tšhabelago ntshe ge o šomela femeng ya go ba le metšhene yeo e lego kotsi kudu, efela o ka se kgone go tlogela mošomo wa gago ge o phela moo dihlopha tša digongwana di itirelago boithatelo o tšhoga gore le wena o ka hlokofatšwa ge o sa šome ebile o sa kgone go fepa bana ba gago goba go ba rekela diaparo ge o phela moo go se nago dipompo tša meets goba kelelatšhila
Mo mabakeng a re a boletšego, gantši tsela ye botse ya maphelo ga e be bonolo. Moo go nyakega maitapišo a setšhaba, go akaretšwa:
papatšo ya ditokelo tša botho ka go fapana mananeo goba diprojeke tša twantšho ya bodidi tšhomišano le mekgatlo ya bašomi go kaonafatša maemo a go beakanyeletša tikologo ye e bolokegilego
O ka dira go tlala seatla go kaonafatša bophelo bja gago ka go ba leloko la lekgotlamotse (civic organization), diyunione tša bašomi, mekgatlo ya baswa le ya basadi. E ba leloko, netefatša gore o tšea karolo mererong ya go ama ditirelo tša maphelo, gore setšhaba se phele bophelo bjo bo kaone.
